კონფიდენციალურობის პოლიტიკა

1. ვინ ვართ

Rigzea არის ონლაინ სამუშაო სივრცე უძრავი ქონების აგენტებისა და სააგენტოებისთვის. ამ პოლიტიკაში „ჩვენ“ ნიშნავს Rigzea-ს ოპერატორს:

ოპერატორი

საიდენტიფიკაციო კოდი

მისამართი

ელფოსტა

ტელეფონი

პერსონალურ მონაცემებთან დაკავშირებულ ნებისმიერ კითხვაზე მოგვწერე ზემოთ მითითებულ ელფოსტაზე.

2. ვინ რაზეა პასუხისმგებელი

• შენი ანგარიშის მონაცემებზე (სახელი, ელფოსტა, კომპანიის მონაცემები) დამუშავებისთვის პასუხისმგებელი პირი ვართ ჩვენ.
• მონაცემებზე, რომლებსაც შენ შეგყავს Rigzea-ში (მეპატრონეები, მდგმურები, მყიდველები, გამყიდველები, გარიგებები), დამუშავებისთვის პასუხისმგებელი პირი ხარ შენ ან შენი სააგენტო. ჩვენ ამ მონაცემებს ვამუშავებთ მხოლოდ შენი დავალებით, როგორც დამუშავებაზე უფლებამოსილი პირი, და მათ საკუთარი მიზნებისთვის არ ვიყენებთ.

შენ პასუხს აგებ იმაზე, რომ შენი კლიენტების მონაცემების შეყვანის კანონიერი საფუძველი გაქვს და ისინი ამის შესახებ ინფორმირებული არიან.

3. რა მონაცემებს ვამუშავებთ

განსაკუთრებული კატეგორიის მონაცემებს (ჯანმრთელობა, რწმენა, ნასამართლობა და სხვა) Rigzea არ ითხოვს. გთხოვთ, ასეთი მონაცემები შენიშვნებში არ შეიყვანოთ.

4. დამუშავების საფუძვლები

• ხელშეკრულების შესრულება: ანგარიშის და სერვისის მიწოდება.
• თანხმობა: რეგისტრაციისას ეთანხმები მომსახურების წესებს და ამ პოლიტიკას. თანხმობის გამოხმობა შეგიძლია ანგარიშის წაშლის მოთხოვნით.
• ლეგიტიმური ინტერესი: სერვისის უსაფრთხოება და ბოროტად გამოყენების თავიდან აცილება.
• კანონით დაკისრებული მოვალეობა: მაგალითად, საბუღალტრო ჩანაწერების შენახვა.

5. ვის გადაეცემა მონაცემები

მონაცემებს არ ვყიდით და სარეკლამო ან ანალიტიკურ კომპანიებს არ გადავცემთ. სერვისის მუშაობისთვის ვიყენებთ შემდეგ მიმწოდებლებს:

WhatsApp-ის, Telegram-ის ან ტელეფონის ბმულზე დაჭერისას გადადიხარ შესაბამის აპში და იქ მოქმედებს ამ სერვისის წესები. როცა ბინას განცხადების ბმულით ავსებ, ჩვენი სერვერი კითხულობს ამ საჯარო განცხადების გვერდს MyHome.ge-ზე, SS.ge-ზე ან Place.ge-ზე.

მონაცემები შეიძლება გადაეცეს სახელმწიფო ორგანოს მხოლოდ კანონით გათვალისწინებულ შემთხვევაში.

6. მონაცემების გადაცემა საზღვარგარეთ

მონაცემთა ბაზა ინახება ევროკავშირში. ჰოსტინგის მიმწოდებელი შეიძლება ამუშავებდეს ტექნიკურ ჟურნალს აშშ-ში. ასეთ გადაცემას ვახორციელებთ საქართველოს კანონმდებლობით დაშვებული საფუძვლით და მიმწოდებელთან გაფორმებული მონაცემთა დამუშავების პირობებით.

7. რამდენ ხანს ვინახავთ

• ანგარიშის და სამუშაო სივრცის მონაცემებს ვინახავთ, სანამ ანგარიში არსებობს.
• ანგარიშის წაშლის მოთხოვნიდან 30 დღის განმავლობაში მონაცემები იშლება, გარდა იმისა, რისი შენახვაც კანონით გვევალება.
• საცდელი პერიოდის ან ფასიანი პაკეტის დასრულება მონაცემებს არ შლის: ანგარიში უფასო პაკეტზე გადადის.

8. შენი უფლებები

უფლება გაქვს:

• მიიღო ინფორმაცია და ასლი შენ შესახებ დამუშავებული მონაცემების შესახებ;
• მოითხოვო მონაცემების გასწორება, განახლება, დაბლოკვა ან წაშლა;
• გამოიხმო თანხმობა;
• მოითხოვო მონაცემების გადატანა: შენი ბინები, კონტაქტები და გარიგებები აპიდან Excel ან CSV ფაილად ჩამოიტვირთება;
• მიმართო პერსონალურ მონაცემთა დაცვის სამსახურს (personaldata.ge) ან სასამართლოს.

მოთხოვნას ვპასუხობთ არაუგვიანეს 10 სამუშაო დღისა. თუ შენი მონაცემები აგენტმა შეიყვანა (მაგალითად, ხარ ბინის მეპატრონე ან მდგმური), მოთხოვნით ჯერ ამ აგენტს მიმართე; თუ პასუხს ვერ მიიღებ, მოგვწერე და დაგეხმარებით.

9. უსაფრთხოება

• საიტი მუშაობს მხოლოდ დაშიფრული (HTTPS) კავშირით.
• თითო სამუშაო სივრცის მონაცემებს ხედავენ მხოლოდ მისი წევრები, მათი როლის შესაბამისად. ეს შეზღუდვა მონაცემთა ბაზის დონეზე მოწმდება.
• პაროლები ინახება მხოლოდ დაშიფრული (ჰეშირებული) სახით.
• საჯარო განცხადების გვერდზე მეპატრონის მონაცემები არ ჩანს.

სრულ უსაფრთხოებას ვერც ერთი ონლაინ სერვისი ვერ იძლევა. მონაცემთა უსაფრთხოების ინციდენტის შემთხვევაში შეგატყობინებთ და კანონით დადგენილ ვადაში ვაცნობებთ ზედამხედველ ორგანოს.

10. არასრულწლოვნები

Rigzea განკუთვნილია 18 წელს გადაცილებული პირებისთვის, რომლებიც პროფესიულ საქმიანობას ეწევიან.

11. ცვლილებები

პოლიტიკის არსებითი ცვლილების შესახებ გაცნობებთ ელფოსტით ან აპში მინიმუმ 14 დღით ადრე. ბოლო განახლების თარიღი მითითებულია გვერდის დასაწყისში.