თანხის დაბრუნების პოლიტიკა

1. მოკლედ

• ყიდვამდე სერვისი 14 დღე უფასოდ და სრულად გამოიცდება, ბარათის გარეშე.
• პირველი გადახდიდან 14 დღის განმავლობაში თანხას სრულად გიბრუნებთ, მიზეზის დასახელების გარეშე.
• ავტომატური ჩამოჭრა არ არის: არ გააგრძელებ, არ გადაიხდი.

2. პირველი გადახდა

თუ ფასიანი პაკეტი პირველად გაააქტიურე და გადაიფიქრე, მოგვწერე გადახდიდან 14 კალენდარული დღის განმავლობაში. თანხას სრულად დაგიბრუნებთ, ანგარიში კი უფასო პაკეტზე გადავა. შენი მონაცემები არ წაიშლება.

3. გაგრძელება და წლიური პაკეტი

• ვადის გაგრძელებისთვის გადახდილი თანხა, 14 დღის გასვლის შემდეგ, არ ბრუნდება: პაკეტი მოქმედებს გადახდილი ვადის ბოლომდე.
• წლიური პაკეტის შემთხვევაში 14-დღიანი ვადა ასევე პირველი გადახდიდან აითვლება.
• პაკეტის შეწყვეტა ნებისმიერ დროს შეგიძლია: ვადის ბოლოს ანგარიში უფასოზე გადადის და ახალი გადახდა არ მოგეთხოვება.

4. როდის ვაბრუნებთ ყოველთვის

• თანხა ორჯერ ან შეცდომით გადაიხადე.
• გადაიხადე, მაგრამ პაკეტი 3 სამუშაო დღეში არ გაგიაქტიურეთ.
• ჩვენი მიზეზით სერვისი ზედიზედ 72 საათზე მეტხანს მიუწვდომელი იყო: ამ შემთხვევაში გიბრუნებთ გამოუყენებელი პერიოდის პროპორციულ თანხას.

5. როგორ მოითხოვო

მოგვწერე ქვემოთ მითითებულ ელფოსტაზე ან ტელეფონზე და მიუთითე ანგარიშის ელფოსტა და გადახდის თარიღი.

ოპერატორი

საიდენტიფიკაციო კოდი

მისამართი

ელფოსტა

ტელეფონი

მოთხოვნას ვპასუხობთ 3 სამუშაო დღეში. თანხა ბრუნდება იმავე გზით, რომლითაც გადაიხადე, დადასტურებიდან 10 სამუშაო დღის განმავლობაში.

6. მომხმარებლის უფლებები

ეს პოლიტიკა არ ზღუდავს იმ უფლებებს, რომლებიც საქართველოს მომხმარებლის უფლებების დაცვის კანონით გაქვს. დამატებითი პირობები: მომსახურების წესები.